Elgoibar1936 plataformak bere blogean argitaratu duen udal agiri batean (eskuinean duzue) agertzen denez, Elgoibarko Udal Plenoak ohorezko alkate izendatu zuen Francisco Franco diktadorea 1949. urtean, “eta bertatik kendu ez dutela iruditzen zaigu, Francok Elgoibarko alkate izaten jarraitzen duela uste dugu” salatzen dute plataformakoek.

“Noiz bukatu behar dugu Frankismoarekin behingoz?” galdera egiten dute elgoibar1936plataformaren blogean “ordua da gauza hauek guztiak: frankistak, frankisten izenean kaleak, fusilatuak atera gabe, Franco Elgoibarko alkate izaten… behingoz, eta betirako Elgoibartik eta baita Euskal Herritik, kentzeko!“”

Inguruko beste herri batzuetan ere izendapen berbera jaso zuen Francok, eta batzuetan hasi dira neurriak hartzen, Arrasaten esaterako.