Elgoibar 1936 elkartetik gure aportazioa egin nahi diogu Pedro Muguruza etorbidearen izen aldaketari. Iruditzen zaigu frankismoarekin lotura duen kale bat, frankismoaren biktimei eskainitako kale-omenaldi bihurtzea litzatekeela logikoena. Gure elkartetik “Otsailak 9 etorbidea” planteatzen dugu izen bezala. 1937ko Otsailaren 9an (Otsailaren 15era bitaretean) frankistek “gorri” izateagatik, Elgoibar, Altzola eta Mendarotik bota zituzten emakume eta haurren omenez. 90tik gora haur eta emakume kanporatuak izan ziren, haur horietariko batzuk bizi dira oraindik. Egin diezaiegun merezi duten omenaldia 1937an frankismoaren errepresioa jaso zuten herritar hauei.